si vulissiru avvicinari p'apprudari
vennu di na terra unni triunfa lu mali
ccà l'aspettanu sfruttatura e capurali
Senza dignità, senza dirittu
travagghianu pi scanzari lu pitittu
lassaru la terra di l'antichi avi
e ccà vinniru pi fari li schiavi
Travagghianu comu armali
pi na menza carta di dinari
cogghinu pumadoru, carrianu cassuna
appizzannucci la carina e li purmuna
Assai addumanannu nta li strati
davanzi li bar e li supermercati
cu la coppula vacanti nta li mani
movinu a cumpassioni li cristiani
L'Italia pi trenta dinari
s'avia accattatu di falli sbarcari
pi certuna s'avianu ngrassatu l'affari
ncapu a sta miseria curtivavanu filari
Ora ca lu cuvernu vulissi canciari
e mettiri fini a tuttu stu cummirciari
cci dicinu razzista e disumanu
chissi ca un'annu muvutu mai na manu
Ora ca lu cuvernu vulissi essiri aiutatu
fascista e razzista veni giudicatu
di chissi ca mancianu pani scurdatu
ca sparavanu a vista contru l'immigratu
Ora ca lu cuvernu vulissi n'autra Europa
cci rumpinu lu vastuni cu la scupa
li stati imperialisti ca cunquistaru un munnu
ca foru schiavisti e forsi ancora sunnu
(Ezio Spataro)
