Ciru Uastedda

 

Ciro Guastella, marinese emigrato negli Stati Uniti d'America, quest'anno è tornato a Marineo, attraversando come dice lui "La Grande Naca" dell'Oceano. A lui voglio dedicare questi semplici versi:

Ora affacciu 

na menza rancatedda
e viu nta la chiazza 

si c'è Ciru Uastedda,
passà la granni naca
di lu mari
e ora è lu tempu 

ca si voli arripusari

lu viu nta lu bar 

ca si pigghia na granita
liggennu lu giurnali 

spinziratu,
è semplici e tranquilla 

la so vita:
la vita di emigranti 

riturnatu

Lu tempu 

scurri lentu 

nta Sicilia
e iddu nun cerca 

nè casa nè mubìlia
li strati du paisi 

su a so casa
e quannu cci camina 

si li vasa

Scrivennu lu so libbru 

a Santu Ciru
si misi allura 

m'periculu di tiru
cusà quali corda 

avìa tuccatu
pi fari ncazzari 

u comitatu..

forsi chiddi 

troppu arrinisciuti
sintennu 

ca la corda avìa vibratu
foru tutti nzemmula

iunciuti
pi diri ca la corda 

avìa stunatu.

 

L'Amedica sfarzusa 

nun lu tocca
cu sordi 

troppu facili di ciocca
nun vinni comu certi amidicani
lucenti 

comu l'oru di baggiani

Nun ci su sordi 

nun ci su tesori
pi fari lucintizza 

nta lu cori
quannu ha nenti 

e tuttu pò dari
ogni zutticedda 

diventa comu mari

Ora Ciru 

mi fa beneficenza
d'aviri ancora ccà

la so prisenza:
si passu a n'atra rancatedda
macari ncontru arrè 

Ciru Uastedda.

(Ezio Spataro)