Santu Ciru e li duttura

Oramai mastru Sanicula mi purtà a mala strata. Cu la scusa ca sugnu poeta anarghiru m'addumanna sempri di scriviri poesii a tema e senza cumpenzu. Na vota "La parma", n'atra vota "Lu Natali", n'atra vota "Lu Cimiteru", e ora arrivamu puru m'paraddisu a scuitari Santu Ciru. Ma iu ora senza babbiari lu ringraziu a mastru Sanicula ca cu li so cunti curiusi e azzannati mi duna spirazioni di scriviri cosi ca forsi iu mai avissi scrittu, comu sta puisia di Santu Ciru e li duttura.
Di nicu mi nsignaru ca Santu Ciru era dutturi anarghiru, vinissi a diri ca picciuli nun si nni pigghiava. Ora puru iu quannu vaiu a curarimi li denti, lu dentista picciuli si nni pigghia accussi picca ca certi voti nun capisciu comu po campari. E chi diri di  tanti duttura ca pi fari na visita a dumiciliu nun si pigghianu nenti, n'atra vota quannu avia la frevi a quaranta nni vinni unu e cci vulia dari cinquanta euru; nun ci fu forma e manera di fariccilli pigghiari. E chi diri di sta naziuni unni lu sistema sanitariu funziona a roggiu, ca li cchiù puvureddi su curati megghiu di li ricchi. Pi daveru Santu Ciru fussi cuntentu di vidiri quantu ciavuru di santità si po cogghiri ntall'ariu.

Santu Ciru scinnennu pi la via

ncuntrava na brigata di duttura

allura si ferma e ddocu spia:

“attì quantu pigghiati all'ura?”

Nuatri cuntiggiamu sempri a visita

rispunnianu a coru li duttura,

d'oru circamu la gemma e la pipìta

e pi chissi curamu tutti li dulura.

Ma allura nun siti anarghiri

comu nna l'antica Età

quannu l'oru nun putià luciri

cchiù di la Fidi e di la Carità...

...Anarghiru l'Egittu!!

ripitianu a coru li duttura

nuatri avemu grassu lu pittitu

e l'oru l'accucchiamu cu primura!!

La fidi chi ancora prufissati

nun vasta a cunquistari lu tesoru

ca saggiamenti nta lu cielu accumulati

e vali chiossà di tuttu l'oru?

Nuatri semu chiddi di la Sanità,

idda nni cunfirisci nnomu e dignità

lesta scrivemu la ricetta cu la cura,

 di lu Statu Laicu nuatri semu li duttura!!

E si un puvureddu scunsulatu e sulu

cci aumenta tuttu nzemmula u duluri?

Allura pi vuatri è comu un mulu

c'azzuppannu pi iddu un ci su curi…

S'avi l'oru e li brillanti di purtari

sicuru ca la cura si cci po truvari

ma siddu è un mulu comu dici tu

allura la quistioni nun nni tocca cchiù.

Siddiatu pi sti misiri paroli

Santu Ciru nta lu cielu arritiratu

dissi a lu Signuri "a mia mi doli,

ma l'oru di pietà nun fu truvatu".

(Ezio Spataro)

Ninu l'Africanu

Lo incontrai al Bar Smeraldo, una sera tra Natale e Capodanno, una di quelle sere insignificanti in cui si è assopito l'entusiasmo del Natale e si attende chissà quale Capodanno. Avevo passeggiato in maniera spensierata insieme al mio amico Carmelo Vono, il quale mi invitò ad "appuntare" al bar Smeraldo. Entrammo nel bar, un signore di mezza età giocava nella slot machine elettronica e davanti al bancone c'era Nino l'Africano che guardava un film nel piccolo televisorino che il bar mette a disposizione dei clienti. Quella sera faceva molto freddo; faceva piacere starsene in quel bar piccolo e stretto dove si poteva godere di un certo tepore e di un atmosfera quasi domestica. Carmelo mi disse: "ti presento un mio carissimo amico, lui è Nino". Dopo le presentazioni del caso ci avvicinammo alla parte centrale del bancone e ordinammo tre cinquantini. Il cinquantino per chi non lo sapesse, è un grappino di piccola quantità che costa solo 50 centesimi, ma viene servito solo a certi clienti speciali. Si beve tutto ad un fiato, ti riscalda quel poco che basta e ti rinfranca il corpo e lo spirito, è questa l'essenza del cinquantino. Dopo aver tracannato il nostro cinquantino, Nino comincia a raccontare le sue avventure lavorative, le sue avventure in galleria lassù in Islanda, dove il freddo e la neve non perdonano, dove le tormente di neve improvvise coprono le strade con tre, quattro metri di neve. Mi colpì come una volta Nino si trovava in Islanda a scavare una galleria e dentro l'oscurità del tunnel fu dato un allarme, una sirena mise a suonare per annunciare l'arrivo di una tormenta di neve che di li a poco rischiava di bloccare l'uscita della galleria. Nino non diede retta alla sirena, perchè doveva portare a tremine un lavoro: doveva innescare una miccia che avrebbe incendiato l'esplosivo che viene usato nelle gallerie. Era il suo momento, diede fuoco alla miccia e si andò a nascondere in una nicchia della galleria per ripararsi dalla violenza dello scoppio. Soltanto allora Nino decise di uscire dal tunnel per rientrare nelle baracche dove alloggiavano gli altri operai.

Ma quando uscì era troppo tardi, la tormenta di neve aveva fatto aumentare la neve ed era impossibile tornare a piedi nelle baracche. Sali su una motopala e iniziò a togliere montagne e montagne di neve nella speranza di crearsi un varco, ma la neve vinceva sempre, man mano che si liberava la strada, un nuovo manto bianco la ricopriva e sembrava non esserci speranza. Dopo ore di faticoso e frenetico spalamento Nino riuscì con la sua motopala a crearsi un misero varco e raggiungere le baracche ormai sepote dalla neve. Quando mi raccontò questa storia, cominciai a sentire molto freddo e sentii l'esigenza di riscaldarmi con un bel cinquantino. A te Nino l'Africano dedico questi versi:

Focu e gelu nta li manu

chistu è Ninu l'Africanu

di ntall' Africa all'Islanda

lu so cori nun si scanta,

a furriàrisi lu munnu

s'addunà di quant'è tunnu

a scavari ngalleria

si nsignà la so mastrìa

Chistu è Ninu l'Africanu

nurmalissimu cristianu

pi vuscarisi lu pani

si nn'ha ghiutu a banni strani.

Nfunnu nfunnu a galleria

travagghiannucci pi misi

nn'ha nisciutu pi magìa

pi turnari au so paisi.

Unni friddu nivi e gelu

cumannavanu lu celu

iddu stava ngalleria

pi scavarisi na via,

quannu scatta la sirena

annunziannu na turmenta

senti vuci di na pena

iddu ancora nun l'attenta.

La so miccia nta la manu

lu tratteni dda luntanu

è lu tempu d'addumari

iddu ancora un pò scappari,

pigghia focu la so miccia

s'arripara nta na nicchia:

fu vulata di faìddi 

ca parianu centu stiddi.

Ora è sulu e scuraggiatu

li bbarracchi a centu metri

e la nivi avìa nfurzatu

arrivannu a quattru metri,

di ddu tunnel affacciannu

aggiarnià pi la viduta

era biancu lu so dannu

nta dda nivi assai caduta...

Acchianà nta a motopala

pi livari dda muntagna

e la nivi ancora un cala

a spalalla un ci guadagna,

manu a manu chi cugghìa

dda la nivi nun finìa:

mantu biancu ca nun cala

nun ci pò la motopala!!

Na nuttata di spalàri

e arrivà nta li bbarracchi

bisugnusu di quadiari

li so ossa troppu fracchi,

nta na notti di turmenta

cu la nivi ca nun lenta

nta dda terra di l'Islanda

lu so cori nun si scanta.

Chistu fici l'Africanu

chi ncuntravi a lu Smeraldu,

barriceddu di lu Chianu

unni và la sira tardu,

si pigghiava lu grappinu

ca è chiamatu cinquantinu

pi lu prezzu vasciuliddu

ca ci fannu sulu a iddu.

Vincì Ninu l'Africanu

contru un friddu disumanu

e scampà di n'avvintura

nta na terra di furtùra,

manu a manu chi parrava

lu grappinu cci calava

e ddu friddu malantrinu

lu vincì c'un cinquantinu. 

(Ezio Spataro)

Barbagianni

La cosa più singolare di questa poesia è che l'autore è un frequentatore molto occasionale del pub Barbagianni. Già, infatti Carmelo Vono è un assiduo frequentatore del bar Smeraldo, e anche su di esso ha scritto una poesia, ma adesso torniamo al Barbagianni. Anche Leopardi scrisse l'Infinito senza averlo mai visto, e Carmelo ha scritto una poesia sul Barbagianni avendolo visto solo qualche volta. Colgo l'occasione per dedicare questa poesia a Rosario Mustazzu che si è interessato per far presentare il libro dei poeti azzannati presso il suo pub, e si è interessato di far stampare i manifesti che abbiamo appeso in paese. Mai delle poesie erano state lette in un pub a Marineo, e anche se non c'era molta gente la cosa è riuscita ugualmente, anche se un pò movimentata verso la fine. La poesia che qui presentiamo, del celebrato poeta marinese Carmelo Vono, è stata letta come poesia di chiusura della serata dei poeti azzannati, con clamore delle folle. La poesia ha avuto successo, anche se il merito è stato anche un po mio, perchè l'ho letta io. Infatti Carmelo si fici stu cuntu e mi dissi: "la poesia la leggi tu, accussì siddu nun piaci la malafiura la fa tu ca liggisti, si mmeci piaci la bedda fiura la fazzu iu ca la scrissi. Chiamalu fissa!!

Si corcunu s’addumanna :”Stasira chì fazzu?”

pò veniri ccà nta lu pub di Marcu e Mustazzu.

Quannu vidìti l’autoscuola di Peppi Valenza

ddà vicinu l’attruvati stu locali di tendenza,

s'attrova propria darrè lu Crucifissu

e pì tutti li picciotti l’appuntamentu ddà è fissu.

Fora c’è na bedda piazzetta  e c’è lu largu

lì picciotti ponnu stari nfinu a sira tardu,

nta lì tavulini c’è cu si mancia lu sfinciuni

si nni vidìnu strani e puru di Cunigghiuni.

Lu nnomu di stu Pub è Barbagianni

veniri ccà unn’è comu iri a l’atri banni,

avi lu nnomu di n’aceddu notturnu

si nun venì ccà , vatinni a lu Centru Diurnu.

(Carmelo Vono)

Manu Cavudi

Quannu nesciu ccà a Milanu

m'arrifriddanu li manu,

pi lu gelu tremu tuttu

e lu suli è sempri a luttu,

c'è la bbrina ogni matina

e la negghia è sempri china.

Li me manu su attassati,

cu li ita già attrantati,

lu termometru mpazzutu

di lu zeru un si nn'ha ghiutu,

cummigghiati assai di sali,

sunnu strati e tangenziali.

L'aeroportu è ancora fermu,

comu partu pi m'Palermu?

Cu stu gelu e cu sta nivi

io di cca cchiù nun partivi,

c'è lu scantu d'arristari

ccà a Milanu a festeggiari.

Lu Natali e Capudannu,

fussi allura lu me dannu,

e pinsari ca m'Palermu

mancu pari ca cc'è mmernu,

lu sciroccu sbintulia,

nun c'è friddu pi la via.

Lu cappucciu calu e mettu

na nuttata ancora aspettu,

sugnu fermu all'aeropurtu

e stu gelu un lu supportu,

sulu quannu sugnu a bordu

iu stu friddu mi lu scordu.

Quannu arrivu a la me casa,

dda me matri assai mi vasa,

"menumali ca si ddintra"

va dicennu assai cumminta,

già la tavula è cunsata

e m'aspetta na manciata.

Ora nesciu au me paisi

li me manu su arrè tisi,

si su ancora arrifriddati

si quadianu nta li strati,

"manucavuda" è na nciuria,

ma pi mia è na gran goduria!

Di sta nciuria a lu comuni

è lu sinnacu patruni

lu caluri da so manu

mi lu portu dda a Milanu,

quannu u friddu è arrè vicinu

pensu au primu cittadinu!

(Ezio Spataro)