si senti di lu scrusciu...
iddu quannu spunta daa vanedda
sempri si pripara a sgraccatedda
ora lu viu e cchiù nun parru
sentu sulu u so catarru
ora iddu s'arricogghi a muccaràta
prima di lassari na sgraccàta
.. e iu ci fazzu lu ringraziu
pi sta bedda gemma di topaziu
chistu è lu virdi gioiellinu
firmatu don Geniu Fucarinu
Sdivacata nta la banchina
dda sgraccata fa paura
cci vulissi un ciumi n'china
pi livalla quant'è dura!
Geniu Fucarinu quannu passa
cocchi cosa sempri la lassa
anticchia è virdi, anticchia è gialla
ma è sempri megghiu nun talialla!
Cu gintilizza sempri nni dumanna:
Aviti di fari cocchi cumanna?
Vi serbi carni e capuliatu?
A la passata mi fermu au mircatu!
No Geniu nun ti scumudari
rispunni me matri a lu so dumannari
nzoccu m'abbisogna cci mannu a li me figghi
vatinni au mircatu, chi firnicii ti pigghi?
Quannu si vota pi gghiri au mircatu
iddu si scorda d'aviri sgraccatu
e cu lu nasu ora sucannu
già si pripara pi fari arrè dannu
Si dda banchina putissi parrari
chi beddi cunti avissi di fari !!
Ricordi virdi comu spiranza
ca di lu tempu nun temi la sponza !!
Geniu Geniu chi gloria purtasti
li to purmuna li sbacantasti
nun suppurtavi ddu pisu di ncoddu
e nni lassavi lu beddu riordu !
(Ezio Spataro)
