Unu chi avi vagnati li baddi
e sapi
bonu ca fradici sunnu
sapi
curpìri darre li to spaddi
quannu tu
parti e ti levi di ntunnu
Iddu
t'arridi davanti e davanti
cu la so
facci di veru birbanti
ma quannu
voti e ci ha datu li spaddi
cu
pagghia muffuta si consa li baddi
tu ta
scantari pi chissu mutivu
nfinu a
lu iornu ca ancora si vivu
picchì a
stu munnu ci sunnu li fagni
ca cu li
fissa si fannu li bagni
Megghiu
spruvari lu farsu to amicu
ca ti
scummetti si c'è cumminenza
ca nta lu
tempu chi ti lu dicu
si c'è la
malura lu vidi m'partenza
Sprovalu
bonu e spiacci ntall'occhi
leggi chi
luci cci cuva dda nfunnu
ca comu
un fissa sicuru ci ncocci :
pari
quatratu e t'adduni ch'è tunnu.
Avi la
facci cu dda risatìna
ma sutta
sutta è na vera catìna
quannu ti
cali pi cogghiri puma
darrè lu
to culu na luci s'adduma
è lu
signali ca c'è na catina
nun senti lu
scrusciu ma è ddocu vicina
prontu a
sfruttari la to posizioni
già ti pripara na bedda gnizioni
Strata
ch'è asciutta nun sapi pigghiari
di nta lu
margiu ci piaci passari
è la
natura di l'omu catina
fangu di
iornu, di sira sintìna.
(Ezio Spataro)
(Ezio Spataro)