Francu
nun mancia ne fa manciari
è unu ca
t'attacca e t'ava cuntrariari
nta ogni
affari ci vidi manciatura
Francu è
un cristianu chi campa di cultura
Ci piaci
Pasulini, Sciascia e Consulu
quannu
parra d'iddi ci parti l'emmulu
ci piaci
Gramsci e papa Franciscu
nun cridi
a li parrini ma cridi a Cristu
e mafia e
parrini ripeti sempri Francu
ca di
giustizia c'è sempri l'ammancu
e siddu
un omu onestu arriva a lu putiri
pi Francu
chissu è un omu ca unn'avi unni iri
picchì l'erba tinta ammazza chidda bona
e si na
vuci è bella l'urchistra stona
allura
chi nn'arresta arrivati a stu puntu
aviri una
cultura e farinni n'atru cuntu
Francu
nun talia ne fa taliari
picchì lu
mass-midia ti fa traviari
l'omu
nasci libbiru affamatu di cultura
e pò
veni ngagghiatu nta la dittatura
Francu
nun ci piaci iri n'discoteca
iddu si
scurassi dintra a biblioteca
e siddu
putissi facissi di Marineu
un paisi
adibitu a essiri un museu
pi
salvari sta perla pistata di li porci
forsi nun
ci pò mancu Danilo Dolci
ca pi
livari tutti sti fumirari
troppi su
li iorna c'avemu a scioperari
Francu
nun s'arrenni e leggi ancora libbra
è na
pianta forti di resistenti fibra
è comu la
luna nta la notti di Valpurga
dda luci
chi brilla si chiama Francu Virga
(Ezio Spataro)
