Lu ventu ca ciuscia unni voli
ammutta e
sperdi li nostri paroli
vannu a
lu ventu e nun si sapi unni
tanti
paroli ca sulu ti cunfunni
L'omu
allura assicuta lu ventu
la
terra è china di lu so lamentu,
si cridi
libbiru sicuru e forti
ma nun
canusci ancora la so sorti
Lu munnu
è tuttu fossa e sbalancuna
c'aspettanu
lu pedi e la sfurtuna,
ma ora
nta ddu munti mi nn'acchianu
e lu munnu
m'ava pariri cchiù chianu ...
No, mi
ngannu è sulu n'apparenza
lu ventu
mi spiega la so scienza:
nascivi
nta st'arturi e scinnu nta i vadduna
all'omu
cci scuperchiu palazzi e palazzuna.
(Ezio Spataro)
