Taliati u to filaru
un
taliari unni và u munnu
ca u
munnu un sapi unni và
e tu vo iri appressu a iddu ?
A cu
ti detti a vita
cchiuttostu
dicci "patri"
e a dda serpi
ca ti voli dari u so vilenu
ca ti voli dari u so vilenu
tu
dicci "unni vulemu"
C'è cu si senti omu
e si inchi l'occhi cu so stessu fumu
tu lassalu fari, un c'iri appressu
tu fa u fissa e a iddu facci fari u spertu
Taliati u
to filaru
un
taliari chi fannu l'autri
ca l'autri
un sannu nzoccu fannu
e tu un po fari comu a iddi
Talia
cchiuttostu u cielu
cuntacci li stiddi,
s'addumaru pi ttia
pi
st'occhi addurmisciuti
ca si
persiru nta u munnu
E a cu ti
dici "fa accussì"
addumannacci "cu si"
chiama a
to patri, chiama a to matri
e addumannacci
cu sunnu li to frati
picchì
nta stu munnu
c'è cu duna cunfidenza
ma nta u
cori dda nfunnu
un si capisci qual'è a simenza !
(Ezio Spataro)