di veru nnomu Eligiu
è un gran travagghiaturi
a lu duviri liggiu
Iddu è artista cantauturi
e sta ncapu u tribbiaturi
sapi scriviri canzuni
e maniari lu zappuni
E' na putra ca s'appagna
etta nterra lu patruni
a cu veni p'allisciallu
cci cafudda un cavuciuni
Cu li favusi s'annerba
nun supporta la superbia
sapi diri d'un cristianu
s'è sinceru o ciarlatanu
Si lu ncontri nta i paraggi
iddu ti po fari li raggi
si cci passi sutta l'occhi
ti po cantari i filastrocchi
sapi diri di na picciotta
quannu ancora è sulu cotta
o siddu mmeci è nnamurata
e già la vidi maritata.
Ninu Fardina si lu ncocci
nta la chiazza
è capaci ca t'arridi
e cci passa la ncazza,
ma st'attentu , statti carmu
si cci acchiana la quadana
Ninu addiventa sudatu
e si leva la bandana
A manciari a la so casa
nun s'arresta cu pitittu
avi l'arti culinaria
nun s'arresta a pani schittu
(Ezio Spataro)
