Vesti di peddi e canta arraggiatu
lu Re Lucertula sempri sballatunun sacciu rullari, nun fumu cannuna
ma di Jim Morriss attentu a canzuna
canta lu focu, lu etta ntall'ariu
iddu è poeta lu cchiù visionariu
quannu t'attenti canzuni e concerti
li porti chiusi ddiventanu aperti
C'è na maglietta cu iddu stampatu
a pettu nudu e li vrazza allargati
sa chi facìa nta ssa posizioni
forsi circava la so percezioni
prima ca mori e trapassa la sponda
iddu s'addeva na varba assai longa
scrivi li versi tra stupefacenti
li va scrivennu cu manu cchiù lenti
arculizzatu pi ghiunta drogatu
è malidittu e puru mazziatu
chissa è la vita chi fici a Parigi
l'urtimi versi arristaru spariggi
crisci la panza cu birri a cannati
tra li poeti davveru dannati
chissa è la vita chi fici dda n'Francia
vinni la morti e cci dissi "ora scancia".
(Ezio Spataro)