S'ava tagghiari ssu palluni

In tanti sia in Europa che in Italia aspettano che questo governo perda la palla. Sono appostati ai lati delle piazze col coltello pronto in mano per cogliere la palla e tagliarla. Questa situazione mi ricorda tanto quelle che vivevo da ragazzino quando per strada giocavamo a pallone e c'erano certuni già appostati che disturbati dal nostro gioco aspettavano di prenderci la palla e tagliarla.

Quann’era nicu e si iucava a lu palluni
un cristianu nni taliava assittatu nta un scaluni
e si pi sbagghiu nta li pedi cci arrivava
niscia lu cuteddu e nni lu tagghiava

Nuatri scantati nun sapiamu si scappari

ma senza lu palluni nun putiamu iucari

allura piatusiannunni nni lu faciamu dari

però lu pattu era c'aviamu a smammari

Si ghiamu a n'autra banna e truvavamu risettu
arrivavanu chiddi cchiù granni e nni facianu dispettu
nni futtianu lu palluni facennunni furriari
si prima un facia scuru nun l’arrivavamu a tuccari

Nni strudiamu, nni stancavamu e li nerbi nni faciamu,
pi fari na partita lustru unni vidiamu
cu tutta la raggia ca aviamu di ncoddu
nn’arricugghiamu dintra cu lu culu lordu

Nni stricavamu nterra, nni stricavamu unn’egghè,
li nostri matri nni nfilavanu nta lu bidè,
nni sgrasciavanu li dinocchia, li uvita e la frunti
ddu sapuni scurrìa comu acqua di la funti

Nun c’era scappatoia s’aviamu di scippari
lu telefono azzurru l’avianu di mmintari
li lignati nun si cuntavanu e li vuci nni nsurdianu
s’arrivava nta lu lettu cu li lacrimi chi currianu

E pinsannu ca la scola lu nnumani nn’aspittava
si durmia cu la spiranza ca la maistra s’assintava
accussi nta lu cortili nni mannavanu a ghiucari

e ddà nuddu lu palluni nni lu putia tagghiari

(Ezio Spataro - 2009)