Ciruzzu è un cristianu curtuliddu,
li picciotti marinisi vannu tutti nn’iddu.
Vinni vodka, campari e martini
e si fà pitittu, puru patatini.
Li cosi su troppu mircati,
mancu parinu accattati,
li bicchiera su abbunnanti,
nunn’ è comu a l’atri banni....
Nni Ciruzzu la sira c’è burdellu,
un mali a pena scinniri m’Palermu.
Li picciotti assittati nta li scaluneddi,
talianu li fimmini, ma sulu chiddi beddi....
Arrivannu un certu orariu Ciruzzu cumincia arrisittari,
chissa è l’ura ca nn’amu arricampari,
chi tristezza, chi malincunia,
pinsannu ca gghiri dintra mi sentu na fitinzia.
Veni dumani ca è natru iornu,
e na cosa è sicura: nni Ciruzzu tornu!
(Ezio Spataro)