Alcuni giorni fa mi è arrivata una proposta dal Signor Sanicola, il quale mi chiede se posso scrivere un componimento sulla morte annunciata della Quarta Palma che c’è nella villa del Colleggio a Marineo . Stando alle sue informazioni la palma ormai centenaria è stata colpita dal punteruolo rosso ed è destinata all’abbattimento e al rogo. Così mi sono ritrovato a scrivere dei versi su una palma condannata a morte. E come si fa a dire di no al puparo. Si corcunu avi di scippari cocchi pedi d’aliva nna u so tirrenu, e vulissi scritta na poesia , nni putemu puru discurriri. Travagghiu a cottimu e certi voti a ghiurnata.
Sugnu na parma marinisi
mi vitti la morti di tri soru
e ora nun m'arresta mancu un misi
ca dugnu lu me lignu a un fumaloru
Mi vinni na tinta malatìa
la stessa chi cci vinni a li me soru
un morbu ca si misi a camurrìa
lu chiamanu lu russu puntaloru
Lu sentu: la me ura s'abbicina
pi mmia nunn'asisti midicina
la vampa metti fini a la me crisi
è dari lu me addiu a li marinisi
Tant'anni detti casa all'acidduzzi
ca stettiru aggiuccati nta i me vrazza
crisciutu è dd'aceddu vulatizzu
chi stetti ad ammulàri lu so pizzu
S'astuta la me musica urchistrali
l'aceddi si graperu tutti l'ali
è tempu ca si cercanu un tiatru
vulannu ora unu appressu all'atru
L'anzianu penzionatu ancora cridi
di stari nta a me ummira cuntentu
vidennu ca lu suli sempri arridi
nun sapi c'arrivà lu me mumentu
Lu vitti lu me boia e si pripara
l'attrezzu l'avi prontu e la benzina
sta morti sta parennu troppu amara
quann'è ca duna focu a sta latrina??
Cu chianta a me simenza nta la terra
nun vidi quannu spuntanu li frutti
cu mecci si mpugnà la motoserra
si cogghi la me vita e chiddi tutti.
Cent’anni mi passaru dda a l’aggritta
sta fini di martiriu c'era scritta?
Tagghiaru li me vrazza e l'abbruciaru
Su chiddi ca u me beni si pigghiaru.
Lu russu puntaloru chi cuntaggia
è certu la piggiuri malatìa
un cani ca murì nta la so raggia
è chissa la piggiuri eutanasìa
(Ezio Spataro)
