Valeria Calderone
Valeria Calderone
tu si un miraculu
di la nostra creazione,
la to fidi e spiranza
come ventu si spanni
mentri passa ogni cosa
e spiriscinu l'anni.
Tu si comu Maria
ca si pigghia lu megghiu
mentri Marta s'affanna
e si perdi l'assaggiu,
quannu prei ti nni và
versu un munnu luntanu
a lu cielu ti isi
la testa e li manu.
Lu to amuri è mpignatu
pi lu gran Redenturi
e m'prighiera nun cunti
nè minuti nè uri,
li to manu nun toccanu
atru chi ciuri
nna l'artaru pusati
pi lu nostru Signuri.
Siddu c'è na quistioni
tu metti la paci
a li liuna ci parri
e ci tocchi li fauci,
nun ti scanti di l'odiu
e di la zizzània
quannu l'ancili scinninu
finisci la smània.
Si corcunu ricadi
la manu cci allogni
la carità e lu pirdunu
su li veri bisogni
la to vita di chissu
pigghià lu sapuri
tuttu chiddu chi serbi
ti lu duna l'amuri.
(Ezio Spataro)
